مرحباً، أنا جوزيف .
خلينا نشوف ازاي هنفتح نقاش في ألفا اونلاين.
أظن أول حاجة هي انك تخلي ضيوفك مرتاحين وحاسين بالترحيب. وفعلياً همّا داخلين للمكالمة اونلاين من بيوتهم ، فده بيساعد انهم يكونوا مرتاحين أكتر.
ولما بتفتح المكالمة فيديو، وبتشوف وشّهم لأول مرة، بتقدر بسرعة انك ترحب بالكل ترحيب حار، أو ممكن تقرأ أسماءهم واحد واحد وترحب ييهم. مهم أوي انك تبقى مركز مع آخر حد هيدخل المكالمة عشان ماتنساش ترحب فيه.. ممكن انك تسألو ازيك عامل ايه؟
الحاجة الحلوة في معظم التطبيقات (متل زووم وماسنجر) ان اسم الشخص بيظهر عندك أول ما بيدخل المكالمة، فتقدر تعرف اسماءهم فوراً ومش بتبقى مضطر انك تتذكر اسم كل شخص.
بتقدر تبدأ ترحيب وتسألهن عن أحوالهم وأخبارهم.
وبعد كده تعرّف الناس ببعضها أكتر وتقسّمهم لمجموعات صغيرة.
أنا بشوف ان المكالمة الأولى هي الأهم، فلو الكل كان مرتاح والناس قدرت تعرف بعضها، ده هيساعدك لبعدين وهيساعدك في فتح باب للمناقشة. بعد كده ممكن تلعبوا حاجة سريعة مع بعض.
مثلاً تسألهم لو كنت مسجون ومعاك فرصة انك تخرج ليوم واحد وتسافر أي مكان انت بتحبه..هتختار أي بلد وليه؟
بحس ان الحاجة دي بتخلي الأشخاص يشاركوا أكتر بحاجات عن نفسهم.
وفيه كمان حاجة حلوة أوي في التطبيقات اللي بنستخدمها حالياً ، وهي خاصية انو الكل ظاهر في الفيديو، يعني انت شايف وش كل شخص بنفس الوقت.
عشان كده مهم جداً ان الشخص اللي بيساعدك في قيادة المجموعة يبقى مركز مع الكل ويشوف لو فيه حد عايز يتكلم أو عنده سؤال، لأن ممكن يكون في حد عايز يتكلم أو يسأل بس مش عايز يقاطعك.
وممكن انك تشوف من ملامح حد انه في حاجة محتاج يوضحها، فتقدر ترجعلو وتقلو ” يا (فلان) هل فيه حاجة عايز تقولها أو توضحها “
وده بيساعد ان التواصل بينكم يبقى شغال كل الوقت. عموماً، أغلب الناس بقت تستخدم التطبيقات دي وتعمل اجتماعات شغلها او دراستها اونلاين، فهمّا بقوا عارفين ازاي يستخدموا التطبيقات دي ويتواصلوا من خلالها كويس.
بس في البداية، ممكن انك تضطر تشرح حاجة مش مفهومة او ربما تكون جديدة عالناس.. وده عادي.
ممكن تضطر برضو مع بعض الأشخاض انك تسألهم أسئلة تفاعلية ومباشرة عشان تجذب انتباههم وتتأكد انهم حاسين بالترحيب وانهم جزء من المكالمة والمناقشة دي.
بس في الحقيقة أنا شفت انو الموضع ده ممتع أوي.
أقدر أقول ان كان معايا تلاتة من أفضل المجموعات الصغيرة اللي عملتها في برنامج ألفا أونلاين في آخر تلات أسابيع. لاقيت ان النقاش ما بينا فعّال ومريح والناس برضو مرتاحة ومفتوحة عالنقاش، لأنهم قاعدين في بيوتهم وحاسين بالأمان، وده اللي بيخلّي التطبيقات دي حلوة ومفيدة، فالناس بتتكلم وبتشوف بعضها وتتواصل بأريحية وكل حد قاعد في بيته أو في مكان مريح ليه، وبالأضافة للترحيب بالناس والنقاشات اللي بنفتحها في المجموعات الصغيرة، عشان كده الناس بتدخل وهيي متطمنة ومرتاحة.
عايز أشجعك وأقولك انه هيكون فيه نقاشات وأمور كتيرة تتكلم فيها مع مجموعتك الصغيرة في ألفا بكل أريحية في الأونلاين.
