النهارده هاحكيلكم باختصار عن الأمان الالكتروني، حاجة مهمة انك تفكّر كنيستك و بحالات التهكير وسرقة البيانات اللي بتحصل لما بنستخدم برامج الانترنت.
يعني ايه الأمان الالكتروني؟ هو ببساطة حماية الأشخاص اللي بيستخدموا الانترنت والتكنولوجيا زي الموبايل والكومبيوتر والرسايل من خطر ان يتعمل ليهم هاك أو سرقة بياناتهم.
مع زيادة عدد الأشخاص اللي بتستخدم ألفا أونلاين عالفيسبوك أو الزوم، بيزيد الاحتياج للامان الالكتروني.
أنا عارف انه بيبقى صعب مراقبة البرامج دي، عشان كده بنصحك كمضيف لبرنامج ألفا اونلاين انك تتعامل مع أشخاص تكون واثق فيهم وتاخد بالك من الباسورد اللي انت حاطه انه يكون صعب وفيه أرقام وحروف ورموز لو تقدر، مش كلمة سر بسيطة.
وانك تكون واخد واي فاي من شبكة مضمونة.
ولازم برضو تاخد بالك من الحاجات اللي بتظهر عالشاشة عندك وماتسمحش بتسجيل الجلسة.
أشجعك انك تتأكد مرة تانية انك بتستخدم الانترنت بشكل آمن.
عايز اديك أمثلة عن مواقف ممكن تواجهك وانت بتعمل ألفا أونلاين، زي مثلاً ان الضيف بيقول حاجات أو كلام مش حلو ومناسب او بيكتبه، وممكن انهم يعملوا شير لصورة مش حلوة وبتسيء للضيوف.
في الحالة دي المضيف بياخد لقطة شاشة للكلام أو الصورة مع الوقت والتاريخ وبيبلّغ قائد الكنيسة فوراً.
دلوقتي مهم جدا تكون عارف شوية خطوات بتحافظ من خلالهم على الامان الالكتروني وانت بتستخدم الفا اونلاين.
فمن المهم جدا انك تفكّر في الحاجة قبل ماتنشرها، علشان اول ماتنتشر بيبقى صعب انك تمسحها.
ابقى على تواصل مع الناس سواء مكالمات او رسايل واختار اوقات مناسبة خلال اليوم.
ولما بتتواصل اونلاين، اتصرف وكأنك بتعامل الناس وبتشوفهم في الواقع مش اونلاين، واتكلم وشارك بالحاجات اللي بتريحك.
هقولك دلوقتي شوية حاجات لازم تتجنبها .
أول حاجة ما تسجلش الجلسة والمكالمة اللي بتعملها.
ما تعملش مكالمة أو فيديو مع شخص لوحدك،
وماتشاركش رقم أو تفاصيل أي حد بدون إذن.
بلاش تعمل شير لصورة أو تعمل تاج لحد بدون إذنه، وآخر حاجة لو كنت بتتسخدم السناب شات في الفا شباب اللي هتعملها اونلاين، ماتعملش (فولو باك) او ترد المتابعة اللي الأشخاص بيبعتوهالك أو تبعتلهم مسج شخصي.
وهي دي أهم الحاجات اللي لازم تاخد بالك منها وانت بتخدم جيل الشباب.
ياريت لو قادر تتشارك مع كنيستك المحلية بامور الأمان الالكتروني عشان تحافظوا عالشباب ومعلوماتهم لما بيستخدموا الانترنت.
ده مش كل حاجة بس اتمنى كون قدرت اديلك فكرة عن اللي لازم تاخد بالك منه وازاي تتجنب المشاكل الشخصية والالكترونية مسبقاً.
