الصلاة

أهلا بيك ، أنا اسمي جوزيف.
وعايز أكلمك عن أهمية اوقات الصلاة قبل ما تبدأ برنامج ألفا أونلاين.
الصلاة هي أساس كل حاجة بتحصل في ألفا، ومن غيرها مفيش أي تغيير هيحصل .
علشان كده مهم جداً تصلي طول الوقت ومتوقفش .
في الصلاة بنتجمع وبنتحد وبنطلب باسم يسوع، فالكتاب المقدس بيقول ” اسألوا تعطوا ” .
علشان كده محتاجين نصلي ونطلب من الله يصنع معجزة، ويبارك العمل في برنامج ألفا فيختبر الضيوف الحياة مع المسيح ويحصل تغيير في حياتهم .

طيب إزاي نعمل ده بشكل عملي ؟
من واقع تجربتنا كان عندنا إجتماع صلاة مدته 10 دقايق قبل كل حلقة في برنامج ألفا، بنشارك بآية من الكتاب المقدس وبعدها بنصلي كفريق مع بعض.
ورغم اننا بنصلي بشكل عام مش لكل شخص بعينه إلا إن كل حد من الفريق بعد وقت الصلاة بيكون متشجع ومتحمس، ودي بركة غير عادية بنشوفها بعد أوقات الصلاة.
علشان كده بشجعك جداً يكون في إجتماع صلاة قبل كل مره في برنامج ألفا حتى لو كان مدته 10 دقايق .