خلونا نحكي أكتر عن خدمة الصلاة.
وبقصد بهالشي الوقت اللي بتشجع فيو ضيوفك على دعوة روح الله لحياتهن ولحتى يلمس يسوع قلوبهن.
خليني قلك شو رح تعمل.
أول شي لازم تقررو هو مين اللي رح يقود خدمة الصلاة بهالوقت؟ وهالشي بيعتمد على الطريقة اللي مجتمعين فيها.
لو مجتمعين على منصة(متل الزووم) كلكن مع بعض، فبتقدر تطلب من قائد الكورس أو القسيس مثلاً انه يقود وقت الصلاة.
اما لو كنتوا متقسمين لمجموعات صغيرة، فأنت محتاج انت تكون حاطط قائد لهي المجموعة ويكون هوي جاهز ومستعد لقيادة وقت الصلاة بمجموعتو.
طب شو هي خدمة الصلاة ؟
رح احكيلك اللي عملناه ونجح معنا. أول شي وأهم شي انك تتأكد من انو ضيوفك مسلمين حياتهن للرب ومخلّصين
بعدين انت رح تشجعهن انهن يصلّوا ويدعوا الروح القدس بانه يدخل حياتهن.
بيقدروا يصلّوا صلاة بسيطة.
فبيصلّوا وبيقولوا تعال يا روح الله القدوس، أنا جاهز ومتاح لعملك. وانتظر وخلي الروح يشتغل فيهن
بعد هيك لو الروح القدس قادك لاستنارة معينة أو عطاك أمور معينة تصلي فيها، شاركها مع فريقك وشوف ربنا كمان بشو كلّمن وتشاركوا هالشي مع قائد المجموعات الصغيرة ممكن بمسج عالواتساب تقلولو انو نحنا كفريق صلينا والرب كلّمنا ب كزا.
وهوي ممكن يحطها بالدردشة عالمجموعة الصغيرة عالنت ويسأل الضوف: ” في شي منها بينطبق عليك أو حسيت انو لمسك؟” وإذا حد منهن قال” أي أنا بظن انو بينطبق عليي” فمنقول تمام، منقدر انو نصليلك؟. ومنشجع الباقي انو يصلي معانا لنفس الشخص .
بعدين منجتمع مع بعض بدائرة ومنتأكد انو هي الشغلة الرابعة اللي منصلي من أجلها:
فأول صلاة هي من اجل كل شخص بمجموعتي يكون قبلان الرب ومخلّص،
وتاني صلاة هي لدعوة الروح القدس،
تالت صلاة هيي من اجل انو الرب يكلمنا بكلمات خاصة وأشياء على قلبو يعملها مع المجموعة،
وآخر شي منصلي كلنا كمجموعة للشخص اللي محتاج صلاة.
ونفس الشي لما منوصل للأسبوع التاسع من التدريب، ومندخل بموضوع ” هل يشفي الله؟”.
قبل هاد كلو شجع القادة عالصلاة من أجل الضيوف، و بنهاية وقت المناقشة بالمجموعة الصغيرة، ..اسال الضيوف هل حدا منكن محتاج شفاء؟
وبهاللحظة ماتصلّي أنت بس من أجل الضيوف، لكن شجع الضيوف انهن هني يصلّوا لبعضهن البعض لأنو لما بيجي هاد الوقت من التدريب بتكون العلاقات قويت والناس عرفت بعضها اكتر، فممكن شخص من المجموعة عندو مرض معين فالمجموعة بتتحد وبتصليلو.
ممكن أنا أبدأ وقول اني رح صلّي لفلان وبصليلو بصوت عالي كأول مرة وبيبدأوا الناس بالصلاة لأول مرة ، ومنكمل نسمع طلبات صلاة من بعض.
فعلاً المجموعة كانت رائعة ونجحت تجربتنا لما عملنا خلوة الروح القدس لمدة ساعتين ونص.
اللي صار بمجموعتي الصغيرة رهيب، 3 اشخاص صلّوا وقبلوا الرب، و2 صلوا للامتلاء بالروح وصاروا يبكوا.
بتمنى انو يكون هالشي مفيد لالك ، بشجعك تجرب تعمل هيك وانتظر ربنا.
