اهلا بيك انا اندرو،
انا هنا دلوقتي عشان اتكلم معاكم على طريقة ادارة مجموعة ألفا اونلاين، لو قدرت تُدير وقت مجموعة ألفا الخاصة بيك بطريقة ايجابية، هتبقى تجربة جميلة ورائعة لضيوفك وكما انت هتبقى متشجع انك تعمل كدة تاني.
عايز اتكلم معاك على 3 حاجات مهمة.
اول حاجة، ايه الحاجات المهمة اللي محتاج تضعها في الاعتبار قبل ما تبدأ برنامج ألفا،
تاني حاجة شوية نصايح للمضيفين والمساعدين او اي شخص بيساعد في مجموعة ألفا.
تالت حاجة، التحديات التلاتة الاكثر شيوعًا اللي بنواجهها لما بنعمل مجموعة ألفا اونلاين.
اول حاجة قبل ما بتدأ برنامج ألفا مهم جدا تتأكد من ان مجموعة ألفا هتنتظم بشكل اسبوعي، ومهم جدا ان اعضاء المجموعة يفضلوا ثابتين لأن ده هيساعد جدا في انفتاحهم ونمو علاقتهم وصداقتهم مع بعض فيقدروا يشاركوا بحرية.
تاني حاجة ، لما بيتكون المجموعة مش اونلاين كويس ان عدد المجموعة ميكونش اكتر من 12 شخص فيكون عبارة عن 8 ضيوف و 2 مضيفين و 2 مساعدين .
لكن اونلاين كويس جدا ان العدد يكون اقل من كدة عشان تتيح فرصة للكل انهم يشاركوا، فممكن يكون مُضيف 1 ومساعد 1 ومن 6 الى 8 اشخاص.
الحاجة التالتة المهمة جدا هي ازاي هتقسم الناس في مجموعاتهم، فكويس جدا انك تقسم الضيوف بناء على مستواهم الروحي عشان تساعدهم على النمو اكتر،
عشان كدة بنستخدم استمارة زي جوجل فورم مثلا ومن خلال الاسئلة تقدر تحدد هما واقفين فين روحيا عشان تضمن انضمامهم لأكتر مجموعة مناسبة ليهم فيختبروا افضل تجربة ليهم في مجموعة ألفا اونلاين.
فكل الاشخاص اللي علموا صح قصاد سؤال “هل سلمت حياتك للمسيح ؟ ” او ” هل ليك علاقة بيسوع ؟ ” في استمارة التسجيل، يكونوا في مجموعة واحدة لان ده هيكون اسهل في عمل مناقشات اعمق شوية عن وجود اشخاص في لسة
بيكتشفوا الايمان لأول مرة فدة بيساعد ان المجموعة تبقى افضل وفيها حوار بنّاء.عشان كدة مهم جدا تفكر كويس في تقسيم المجموعات.
دلوقتي عايز اشارككم بشوية افكار بسيطة لمُضيف المجموعة او اي شخص بيساعد في في مجموعة ألفا اولنلاين.
1- أتأكد عن كل الضيوف في المجوعة عندهم دراية كافية بإستخدام التطبيق اللي بتعمل عليه المجموعة زووم مثلاً فتأكد من انهم يعرفوا يكتموا الصوت او يشغلوه عشان يتكلموا، ازاي يشغلوا الفيديو او يوقفوه وازاي يعرفوا يشوفوا كل الموجودين معاهم في المجموعة.
كمان اتأكد انهم يعرفوا يغيروا اسمهم في البرنامج او يعدلوه زي ما هما بيحبوا ، لان ده بيساعدهم يشعروا بالراحة في المجموعة.
2- الفكرة التانية هي ان يكون في 3 ارشادات للمناقشة جو المجموعة ، النقطة الاولة مشاركة الجميع ، يعني احرص على ان الكل يشارك مش شخص واحد بس ياخد الحوار وبتكلم لوحده لكن مهم جدا ان الكل يشارك.
النقطة التانية احترام راي كل الناس حتى لو قالوا حاجة مش بتتفق معاهم فيها. النقطة التالتة وهي تشجيع الكل في مجموعاتنا الصغيرة.
كويس ان كل اسبوع نفكر الناس بالنقط دي تخرج المجموعة بأفضل صورة ممكنة.
كمان مهم جدا تأخد بالك من لغة جسدك كمضيف او مساعد لمجموعة ألفا اونلاين، اقعد قريب من الكاميرا وعشان الناس تقدر تشوف ملامح وشك ،
واتأكد ان الاضاءة كويسة عشان الناس يشوفوا استجابة وشك ولغة جسدك وردود افعالك حتى طريقة استخدام ايديك في التعبير.
اخر فكرة للمُضيفين والمساعدين، هيكون مفيد جدا اثناء المناقشة في المجموعة اونلاين انك تنادي او تطلب من الشخص بإسمه انه يشارك او يجاوب على السؤال فيفتحوا المايك ويتكلموا او انت تساعدههم في كدة فده هيشجعهم على المشاركة ويحسسهم بالاهتمام.
اكتر التحديات اللي بتواجه مجموعة ألفا هي النقطة الاولى وهي الشخص اللي بيتكلم كتير وياخد الحوار كله لوحده ، لو عندك في المجموعة الشخص ده هيكون من المفيد للمجموعة كلها انك توقفه انه يأخد الحوار لوحده، باقي الضيوف في المجموعة هيكونوا منتظرين كده من المضيف او مساعد ليه السلطة انه يعمل كدة لإنقاذ المجموعة.
ممكن تستخدم جملة ” جون ، الكلام ده كويس جدا واحنا نحب نسمع الكلام اللي بتقوله لكن عايزين نسمع مشاركات باقي الناس في المجموعة ، عشان كده ايه رأيك يا مايكل في الموضوع ده ؟ “
التحدي التاني اللي ممكن تواجهه، إن المجموعة تكون مش منفتحة وهادية اكتر من اللازم فممكن تجرب الفكرة بسيطة دي عشان تساعدهم على الكلام والمشاركة
اسمها 3 في 5.
اسئلهم السؤال ده ” ايه اكتر تلات حاجات كان ليها تأثير الخمس سنين اللي فاتوا” عايزين نسمع كل الناس، وهناخد دقيقتين بس نفكر في الموضوع ده. ممكن
تقفل الكاميرا بتاعتك ولما تبقى جاهز للمشاركة شغلها تاني وبعدها ممكن تخلي المجموعة كلها تقول مشاركتها.
من خلال الفكرة البسيطة دي، بيحصل انفتاح للمجموعة والناس بتشعر انها معروفة ومسموعة وان باقي الناس شايفنهم و كمان بيفهموا بعض اكتر.
ومن هنا بنسبة كبيرة هتلاقي المناقشة في المجموعة بقيت اسهل بكتير .
التحدي التالت المشترك اللي هتلاقيه في المجموعة هو وجود اشحاص بيحبوا المقاطعة وتصحيح افكار واراء الناس ، وده عادة بيحصل من خلال الاشخاص اللي عندهم اعتقاد انهم على دراية اكتر بالكنيسة من باقي الموجودين او على الاقل عندهم شوية معرفة تخليهم يصححوا ويوضحوا فكرة معينة قالها شخص في المجموعة.
مهم جدا تفكر الشخص ده بالنقط اللي اتفقنا عليها في البداية وهي ان نحترم افكار وكلام باقي اعضاء المجموعة ، فمجموعة الفا بتدي فرصة لكل واحد فينا ان يكون بيعبر عن وجهة نظره وكمان فرصة اننا نتعلم ولأكتشاف طريقة
تفكرنا تجاه الاشياء بنفسنا.
شكرا يا جون على توضيحك ومشاركتك، لكن خلينا نسمع اكتر من بيتر ونفهم ليه هو بفهم الموضوع بالطريقة دي، فممكن تدي فرصة ومساحة اكبر لبيتر انه يشارك ويعبر عن وجهة نظره.
دي كانت افكار بسيطة تساعدك في ادارة مجموعة ألفا اونلاين. مرة تانية، اهم شئ هو الصلاة لاعضاء المجموعة، استمتع كل اسبوع في مجموعتك بوقت المجموعة واستخدم اسئلة وانشطة كسر الجليد.
وعلى مدار الاسابيع كل ما اعضاء المجموعة قربوا من بعض التأخير هيقل وكمان الاعتراضات وهيتبني ثقة بينهم وبين بعض وهتزيد بينهم المحبة ودي هيساعد ان وقت المجموعة يبقى وقت ممتع ومميز.
